ПОДОБРО ДА ЈА РАЗБЕРАМ МОЈАТА КОЖА
Некои луѓе со чувствителна и реактивна кожа имаат црвенило и мали, видливи капилари по лицето. Овие знаци често се појавуваат привремено, но можат прогресивно да се влошат и да станат трајни.
Црвенилото или видливите капилари се симптоми на кожата предизвикани од абнормалност на венскиот систем на лицето, кој не функционира нормално. Црвенилото, со или без зажареност, може да биде привремено или подолготрајно.
Одредени фактори ја влошуваат состојбата:
Розацеата и куперозата, која е еден вид розацеа, често можат да предизвикаат црвенило и видливи капилари на лицето. Но, ова не се единствените причини. Одредени дерматолошки заболувања може да предизвикаат проширени крвни садови и да ја поттикнат куперозата и вцрвувањето. Освен ова, одредени лекови можат да предизвикаат проширени крвни садови на лицето или да ги зголемат оние кои се веќе присутни. Затоа се советува консултација со дерматолог, доколку има некој сомнеж.
Куперозата претставува проширување на малите површински крвни садови на ниво на дермис. Медицинскиот термин кој соодветствува на оваа состојба е телангиектаза.
Мрежата на површинските крвни садови формира „капиларен систем“ составен од црвенкасти линеарани линии видливи на лицето. Некои од параметрите на оваа мрежа можат да варираат, во зависност од човекот и видот на неговата кожа, годините, внатрешната или надворешната температура или промените во температурата. Крвните садови се повеќе или помалку проширени, а нивната боја се движи од светлоцрвена до лилава, па дури и сина. Топографијата варира, но обично е релативно симетрична. Највообичаената зона која може да биде зафатена се јаболчниците или образите, а во некои случаи е зафатен само носот. Но, може да биде зафатено и целото лице.
Кога разгранетоста на телангектазата е тешко да се види со голо око, а доминира црвенилото, оваа појава се нарекува еритроза.
Генералниот назив што ја опишува состојбата која е на средина меѓу овие две варијанти е еритрокупероза.
Кај куперозата може да се забележи и пајаковидна ангиома. Ова е васкуларна разгранетост во вид на ѕвезда, која содржи повеќе или помалку изразена централна црвена точка.
Во повеќето случаи, куперозата не е поврзана со некое заболување; се појавува споро и прогресира. Таа е еден вид розацеа.
Црвенилото може да се појави во бранови пред да се појави куперозата. Други знаци на розацеа се еритрозата и црвените папули (мали точки) или пустули. Консумирањето алкохол не предизвикува купероза или розацеа.
Почесто ги погодува луѓето со посветла и потенка кожа.
Розацеата е честа дерматолошка појава која го зафаќа само лицето, особено носот, образите, челото и брадата. Можат да бидат зафатени и очите (окуларна розацеа), но поретко. Розацеата не се акни, па терминот „розацеа акни“ кој понекогаш се користи, постепено се отфрла. Оваа видлива состојба на кожата е често психолошки проблем, бидејќи предизвикува деформација и често погрешно се смета дека е знак на хроничен алкохолизам.
1/ Васкуларна форма: еритроза и купероза
Се појавува како црвенило на лицето, без или со купероза (мали проширени крвни садови на образите и на носот, наречени телангиектаза). Ова црвенило може да биде придружено со чувство на топол бран на лицето, а потоа брзо да исчезне.
2/ Папулопустуларна форма
Еритрозата е во комбинација со исфрлања на мозолчиња што личат на акни (црвени точки и мали пустули, но не и комедони), кои се наоѓаат само на лицето.
3/ Хипертрофна форма
Оваа форма ја карактеризира голем, отечен нос, поретка е и речиси секогаш ги зафаќа мажите. Се нарекува ринофима и не е поврзана со консумација на алкохол, наспроти верување на многу луѓе. Сите овие симптоми често предизвикуваат значителни секојдневни непријатности и влошен квалитет на животот.
Розацеата е трипати почеста кај жените отколку кај мажите, а луѓето со светла кожа се поподложни.
Симптомите често се јавуваат околу триесетгодишна возраст, а врвот е на околу педесет години.
Честа карактеристика на розацеата е што се јавува кај чувствителна кожа.
Посетете дерматолог за ја потврди дијагнозата и да утврди дали имате купероза, розацеа или друга состојба.
Превенцијата вклучува ограничување на тригер факторите, како промени на температурата, изложеност на УВ, топли пијалаци, зачинета храна, кафе и алкохол. Алкохолот не е тригер на состојбата, но доколку се консумира, може да ги влоши симптомите. Ако се појави бран на црвенило, лекарите предлагаат да се истопи коцка мраз во устата во текот на првите неколку минути од појавата.
Лекарот може да препише одредени третмани:
Розацеата не се лекува со овие третмани бидејќи таа прогресира со бранови на црвенило и мора постојано да се користат локални третмани. Црвенилото е тешко за лекување, меѓутоа корисни се ласерските третмани, особено ласерите со пулсирачки бои, Nd Yag и KTP. Различните видови васкуларни ласери се опишани подолу.
Префериран третман за куперозата е ласерскиот. Оваа техника знчително го смени справувањето со проблемот. Има неколку вида ласерски третмани за васкуларни лезии, т.е. ласерски третмани што конкретно ги опфаќаат крвните садови и хемоглобинот што се наоѓа во црвените крвни зрнца: KTP ласерот дејствува на разгранетата купероза, Nd:YAG ласерот и пулсирачките ласери во боја дејствуваат врз еритрозата и пајаковидните ангиоми.
Дермокозметичките третмани се корисни за сите видови розацеа и купероза на кожата и треба да хидрираат, смируваат, да не се оклузивни и да се наменети за чувствителна кожа. Идеално е доколку имаат и васкулозаштитни карактеристики. Важно е и да се користат и соодветни производи за чистење на лицето.
Се препорачува и фотозаштита. Во некои случаи, можат да помогнат и препарати за прикривање на црвенилото. (Тие содржат зелени пигменти кои ќе го неутрализираат црвенилото.)
